Чилонзор туманида Президентимизнинг 2018 йил 14 февралдаги “Тошкент шаҳрида жамоат тартибини сақлаш, ҳуқуқбузарликлар профилактикаси ва жиноятчиликка қарши курашишнинг сифат жиҳатидан янги тизимини жорий этиш тўғрисида”ги ҳамда 2018 йил 24 декабрдаги “Жамоат хавфсизлигини таъминлаш самарадорлигини ошириш бўйича қўшимча чора-тадбирлар тўғрисида”ги қарорлари ижросини таъминлаш мақсадида жиноят ишлари бўйича туман судьялари И.Собиров ва С.Ариповларнинг “Менинг маҳаллам – менинг судьям” лойиҳаси доирасида “1-Чарх Камолон”, “2-Чарх Комолон”, “3-Чарх Комолон”, “Новза” маҳаллалар аҳолиси билан учрашуви ўтказилди.
– Давлатимиз раҳбари томонидан судларга юклатилган вазифалар ижроси доирасида суд органлари томонидан фуқароларнинг тинч ва фаровон турмушини таъминлаш, ҳуқуқбузарликларнинг олдини олиш ва жиноятчиликка қарши курашишга қаратилган салмоқли ишлар амалга оширилмоқда, – дейди Жиноят ишлари бўйича Чилонзор тумани судининг раиси И.Собиров. – Мазкур учрашувлар пойтахтимиздаги ҳар бир маҳаллани жиноятчилик ва ҳуқуқбузарликлардан холи ҳудудга айлантириш, жиноятчилик ва ҳуқуқбузарликларнинг олдини олиш, етарли даражада судлар фаолияти очиқлиги, шаффофлиги ва ошкоралигини таъминлаш, аҳолининг ҳуқуқий онги ва маданиятини юксалтиришга қаратилган комплекс тадбирларни ўз ичига олади.
Сайёр қабулда аҳолининг мурожаатларининг асосий қисмини судларда жиноий, фуқаролик, маъмурий ва иқтисодий ишларнинг кўриб чиқилиши, суд қарорлари ижроси, моддий ёрдам олиш, пенсия таъминоти, болалар нафақасини расмийлаштириш, бандлик, меҳнат ва фуқаролик муаммолари, паспорт ва рўйхатга олиш масалалари билан боғлиқ масалалар ташкил этди.
Учрашувда маҳалла фуқароларига уларни қизиқтирган муаммо ва масалалар бўйича ҳуқуқий маслаҳат ва тушунтиришлар берилди ҳамда судлар иш юритувига доир масалалар алоҳида назоратга олинди.
Фикр қолдириш