09 апрель 2019
Айни кунларда республикамизнинг барча туман ва шаҳарларида Олий суд раҳбариятининг оммавий сайёр қабуллари ўтказилмоқда.
Ўзбекистон Республикаси Олий суди раисининг ўринбосари Б.Исаков ва ишчи гуруҳ томонидан аҳоли билан бевосита ва очиқ мулоқотни таъминлаш, суд-ҳуқуқ тизимига оид муаммоларни аниқлаш ҳамда уларни бартараф этиш мақсадида Қизилтепа тумани Халқ қабулхонасида сайёр қабул ўтказилди.
Сайёр қабул давомида 22 нафар фуқаронинг мурожаатлари тингланди. Шундан 8 та жиноят ишлари бўйича, 12 та фуқаролик ишлари бўйича, 2 та маъмурий ишлар бўйича мурожаатлар кўриб чиқилди.
Қабул натижалари бўйича 20 нафар фуқарога ҳуқуқий тушунтиришлар берилди, 1 та шикоят назорат тартибида кўриб чиқиш учун қабул қилинди. Шунингдек, қабул давомида ажралиш учун судга ариза берган 1 та оила яраштирилди.
Ўзбекистон Республикаси Олий суди раҳбарияти ва ишчи гуруҳининг оммавий сайёр қабули Навоий вилояти бўйлаб давом этмоқда.
Олий суд Матбуот хизмати
Фикр қолдириш